بسم الله الرحمن للرحيم
مش عارف ايه اللى خلاني أتخلى عن فترة الصمت الكبيرة دي و أقرر أكتب النهارده اى حاجه كده على البلوج
سلمت المشروع يوم الخميس اللى فات ده يوم 19/7/2007
تاريخ مهم جدا
و الحمد لله و بفضله بس جبت إمتياز فى المشروع
ربنا يكرمنا فى الباقي يا رب بالبركة كده
المشكله فى اليوم ده رغم أنى شفت فيه روائع الدنيا السبعه
ناس واطيه و ناس جدعه و شفت نظرات ناس مكنتش أتوقعها منهم
نظرات الحب و الكره و الحقد
و كمان شفت فيه بنات الدفعه بتوعنا و هما مستحميين و لابسين الحته اللى على الحبل زي ما بيقولوا
و متسألوش مين اللى بيقولوا عشان أنا معرفهمش
ما علينا من بعد اليوم و أنا فى سؤال واحد بيدور فى نافوخي و مش مخليني عارف أنام
هعمل ايه بقه ؟؟؟؟؟
حاجات كتير موقفها و معطلها و كل ما حد يقولي يلا
أقوله لما أخلص دراسه و أفوق
هو انا اى نعم لسه أعتبر مخلصتش
لكن أنا عشمي فى ربنا كبير أوى
عارفين يا أخوانا إحساس شخص عاش عمره يقول أنا لو معايا مليون جنيه
هعمل بيها بلاوي .... بس تيجي ؟
و أول ما بقت الفلوس قدامه
حطها قدامه و بصلها أوى و قعد يقولها أعمل بيكي أنا بقه دلوقتي ؟؟؟
طول عمري و أنا عاملك حجتي و شماعتي اللى بعلق عليها التأخير الفظيع ده
و كل ما حد يقولي أنت فين من الدنيا أقوله أديني مستني
هي بس تيجي و شوف أنا هعمل ايه ؟
هكسر الدنيا
أديني قاعد أهو عمال أكسر الدنيا
هههههههههههههههههههههههههههههههههههههههههههههههههههههههههههههههههههههههههههههه
No comments:
Post a Comment