منحني تاريخي يميل للإعوجاج

بسم الله الرحمن الرحيم

داخل على منحنى تاريخي كبير

رغم أني لسه معرفش إذا كنت خلصت و لا لسه

و ده أمر مشكوك فيه كتيييير

لكن إحساسي بأني خلاص على أعتاب الحياه العمليه شيء صعب

يا ترى هنجح فيها ولا هبقى فاشل ؟

هشتغل بسرعه ولا قعدتي على القهوة هطول

و لو أشتغلت هشتغل فى الهندسة و لا فى حاجه تانيه ؟

و بكام ؟

أنا عارف أن كله بتاع ربنا

لكنه شيء يستحق التفكير

لكن هنروح بعيد ليه ؟

الفتره الإنتقاليه دي مهمة جدا

من بعد يوم الاحد اللي جاي

آخر ماده فى الإمتحانات

عندي إمتحان شفوي المعمل يوم الأربعاء اللى بعده

اللى هو يوم 20 /6

و بعدها عندي تسليم المشروع يوم 17 /7

و بعدها 18/7

مناقشة المشروع

و فى الفتره دي فى حاجات كتير عايز أعملها

عايز أخرج و أسافر و أمثل

و أشوف أصحابي و أدخل سينما

أنا عارف أن في ترتيب أولويات

لكن أرتبها إزاى دي ؟

كل حاجه منهم مهمة فى وقتها

و مترتبه على التانيه ؟

مش عارف أعمل ايه ؟

بجد

و الكورسات صحيح !!!!

كنت هنسى

أنا عايز أبدأ كورسات مكثفة فى الفتره دي

و كمان أحضر نفسي علشان الجيش و فى الوقت نفسه أحضر نفسي لو فى حاجه فى نوفمبر لا قدر الله

ياااااااااااااااااااااااااااااااه

حاجه بجد مرهقه ذهنيا

دماغي بقللت