باقي من الزمن 10 أيام
باقي حاولى 10 أيام و أخلص آخر إمتحان فى آخر سنة
بس يا رب تكون آخر الأحزان ما هو أصل فى كلية زي الكليه العجيبه اللى أنا فيها الموضوع ده مش مضمون و رغم كده الشباب كل سنة يحتفلوا بالتخرج قبل الإمتحانات أساسا و نفضل نهيص و نزعق و كأننا خلاص اتخرجنا
و ساعات بقه نيجي بعد و خيبة الأمل راكبه جمل و يطلع الموضوع فشنك
بس رغم كده أنا مش عارف أفرح
من الخوف
و بمناسبة الموضوع ده
أغنية فيلم قص و لزق الجديد ده
و اللي فيها كلام عن الخوف اللى مش بيخلينا نعرف نفرح بحاجه ولا نحس بحاجه أساسا
المفروض أنى أكون فرحان نوعا ما لانى خلاص قربت أنهى دراستى فى الجامعه
لكن فين المشكله
فى الكلمة دي
قربت
ما هي قربت دي مش معناها أنى خلاص خلصت
فى فرق كبير
مش قادر أنسى أنة قعدت فى الكليه دي7 سنين
يااااااااااه
7 سنين من عمري
يعني سنتين كده راحوا أونطه
يلا مش مشكله
أنت هتعيط دلوقتي
أخرس بقه يا أخي
حاول تفرح
ايه مش عارف تفرح 10 دقايق على بعض
جتك داهيه نكدي
يلا غور
1 comment:
يابني احمد ربنا انت احسن من غيرك كتير ... أظن فاهمني و بلاش احراج
Post a Comment