بسم الله الرحمن الرحيم
إمبارح كان يوم حلو و جديد في وسط أيام الإمتحانات الرخمه دي
رضا كلمتني و قالتلي أن صلاح و فكيه و هي هيتقابلوا النهارده عند الكليه علشان صلاح هيخلص إمتحانات النهارده و رغم أنى كنت لسه مبدأتش مذاكره للماده بتاعة يوم الأربعاء إلا أنى بصراحه كنت عايز أغير جو المذاكره الكئيب ده
و المفروض أنى كنت نازل أصور ورق طبعا فى الأساس
المهم صورت الورق و الحمد لله و بعدين رحت قابلتهم و قعدنا مع بعض شوية فى واحة باريس
و قعدنا نهزر و نفتح فى مواضيع و بجد كان يوم حلو
بصراحه كان ناقصني بقية الناس
بحب اوى لما نقعد و نبقى كتير كده و كل حبه مننا واخدين بعض و قاعدين يتكلموا فى حاجه مع بعض و في الآخر كلنا على ترابيزة واحده
و أنا مروح إمبارح
إسلام مشهور كلمنى
الواد ده كان واحشني جدا
حال كل الناس و الله
و قالي أنه خلص و قولتله أننا هنتقابل يوم الأحد إن شاء الله يوم ما هخلص
و ربنا يسهل و أعرف أشوف كل الناس فى اليوم ده
أهو كام ساعه كده في اللذيذ أحسن الواحد فعلا كان قرب ينسى شكلهم
يلا على كل حال هانت
و ربنا يعدي الكام يوم دول على خير
No comments:
Post a Comment